前几日同各位街坊行咗
河南嘅革新路
同西关嘅逢源路
都介绍咗唔少
好玩又好食嘅地方俾大家
今日我哋不妨行远少少
G4记者邓璐瑜
带各位街坊“飞”一圈
去感受一下
岭南嘅水乡风情
璐瑜今日带咗个新朋友过来
佢就係来自潮州嘅阿锦
唔讲咁多啦
各位街坊准备好未？
我哋要“起飞”啦！
我哋宜家俯瞰嘅係小洲村
始建于元末明初
面积达.8亩
极具岭南水乡风情
佢仲係广州市首批
16个历史文化保护区之一
亦都係广东省生态示范村
嗱！空气係唔係好清新呢
唔单止空气好
小洲村仲弥漫著历史气息
老街坊良叔同我哋介绍
小洲村嘅白石路
已经有四五百年历史
而娘妈桥
都超过年历史
话口未完
良叔就带我哋去隔离邻舍倾下计啦
哩度最大嘅特点就係
因为哩度治安比较好
平时街坊都唔洗关门
周围都係乡亲街里
大家守望相助
好似兄弟姐妹咁
人与人之间充满信任
就连狗仔都唔怕陌生人
比起厦门鼓浪屿
小洲村多咗艺术气息
少咗商业气味
比起荔湾永庆坊
少咗人工雕凿
多咗几分自然古朴
有唔少人都会来小洲村
摄影、作画
只要你用心去发现
就知道周围都係宝
分分钟比得过乌镇同周庄?
作为“为食猫”嘅各位街坊
去到咁远
一定要钻来钻去
来填抱自己个肚
咁先算係不枉此行啦
璐瑜就话无问题
佢一次过可以满足我哋两个愿望
各位街坊继续黐实璐瑜啦
係小洲村里面钻来钻去
一路发现
古道、祠堂、麻石街
仲有哩间比璐瑜同阿锦年纪
加起来仲大
有五六百年高龄嘅蚝壳屋
哩种材料构建嘅屋
唔单止唔积雨水
仲唔怕虫蛀
好适合岭南潮湿嘅气候
住係里面冬暖夏凉
意大利嘅游客
专门来到小洲村
见到蚝壳屋都大赞好有意思
岭南水乡前人实在太有智慧啦
睇完蚝壳屋
各位街坊肚仔饿未？
咦！哩度有只咁特别嘅船？
嗱！哩只叫艇仔
有艇仔
当然少不了艇仔粥啦
良叔话斋
食艇仔粥
肯定要坐係艇仔里面食
街坊坐係艇仔度都可以怀旧一下
以前嘅艇仔粥
係水上食嘅
宜家改良了
都係艇仔度食
不过就係陆地
良叔笑称哩个係登陆艇
转个身
璐瑜同阿锦已经开吃啦
食咗啖粥
阿锦已经话好香口
皆因用料有红皮花生
咬起身口感好脆
各位老广应该都知道
广州嘅粥好唔好
係要睇佢够唔够“绵”
璐瑜食完就话
碗粥好够火候
睇得出老板好用心去煲
良叔仲拎出咗自制嘅萝卜糕
咬入口
你会感觉嘴里面
布满一条条嘅萝卜丝
食得出用料比较足
而且落咗海鲜嘅料
非常之香
偷偷同各位街坊分享一下
其实小洲村仲有一档乳鸽
好正?！
各位街坊係咪已经“心郁郁”呢
小洲村唔单止充满人情味
村民守望相助
就连食物出品
都实实在在
落足料
今日嘅小洲真係冇白嚟
最后
值得各位街坊注意嘅係
由于保护欠缺等原因
蚝壳屋已经越来越少
小编都希望可以多方面
共同将哩嘅共同嘅文物
能够好好咁保存落去
综合《G4出动》报道
预览时标签不可点收录于合集#个上一篇下一篇